O terceiro volume da colección «Misterios romanos» combina de novo de modo ameno o rigor histórico coas aventuras dos mozos protagonistas.

A erupción do Vesubio deixou un panorama desolador. A cinza cobre a terra, o mar tínguese de vermello e as ondas botan ás praias os corpos das vítimas. E cando algúns nenos comezan a desaparecer dun campamento que acolle centos de refuxiados, Flavia Gémina e os seus amigos Jonatán, Nubia e Lupo entran en acción.
As súas pescudas conduciranos ata O Patrón, un carismático e poderoso personaxe, e tras seguir unha arriscada pista, a cuadrilla chegará ás covas de Sorrento, onde farán fronte a piratas e traficantes de escravos e saberán por primeira vez o que é estar en perigo de morte.

1º-2º ESO

5º-6º Primaria